(प्रभाग क्र. ११५ – बृहन्मुंबई महानगरपालिका)

सस्नेह नमस्कार… 🙏

बृहन्मुंबई महानगरपालिकेच्या माध्यमातून प्रभाग क्रमांक ११५ मधील प्रत्येक नागरिकांपर्यंत मूलभूत सोयी-सुविधा पोहोचवणे हे माझे प्रथम कर्तव्य आहे.
तसेच सामाजिक उत्तरदायित्वाच्या जाणिवेतून शैक्षणिक, सामाजिक, आरोग्य व सांस्कृतिक उपक्रमांच्या माध्यमातून आपल्या परिसराचा सर्वांगीण विकास घडवून आणणे ही माझी जबाबदारी आहे, याची मला पूर्ण जाणीव आहे.

आपण सर्व नागरिक माझ्यासाठी केवळ मतदार नाही,
आपणच माझे डोळे आहात आणि माझे हात आहात.

आपल्या चाळ, इमारत, सोसायटी किंवा आजूबाजूच्या परिसरात असलेल्या कोणत्याही समस्या, तक्रारी किंवा तातडीच्या सुधारणा आवश्यक असतील, तर त्या निःसंकोचपणे माझ्यापर्यंत पोहोचवा.
मी व माझे जनसंपर्क कार्यालय आपल्या प्रत्येक समस्येचे निराकरण करण्यासाठी सदैव तत्पर राहू.

महानगरपालिकेच्या माध्यमातून प्रभागातील दैनंदिन स्वच्छता विषयक कामे (घंटागाडी, औषध फवारणी), पाणीपुरवठा, विद्युत सेवा, तसेच विविध विकासकामांबाबतची अद्ययावत माहिती आपणांस नियमितपणे दिली जाईल.
तसेच या सर्व विषयांवर आपली मौल्यवान मते जाणून घेऊन त्यानुसार प्रभावी व पारदर्शक कार्यपद्धती राबवली जाईल.

आपण सर्वांनी माझ्यासोबत एकजुटीने काम केल्यास,
आपल्या सामूहिक सहभागातून प्रभाग क्रमांक ११५ हा एक आदर्श, स्वच्छ व विकसित प्रभाग म्हणून नक्कीच नावारूपाला येईल, असा मला विश्वास आहे.

आपल्या सहकार्याची अपेक्षा ठेवून,
आपली नम्र
स्मिता संजय परब